a.k.a. Hindsight 20/20
a.k.a. Charge it to Experience
a.k.a. Subject Matter Expert Advice
1. Bago ka mag-fall, dapat konting abiso sa inaasahan mo na sasalo sa'yo. Baka gusto ka naman saluhin, hindi lang siya na-inform.
2. At kung meron ka nang naabisuhan na sumalo, huwag ka na mag-notify ng iba. Kasi yung dalawa na sinabihan mong sumalo sa'yo malamang-lamang magkakabanggaan lang habang pabagsak ka at ang ending, babagsak ka mag-isa.
3. Huwag kang pa-fall.
Una, baka risk-taker siya, biglang tumalon nang hindi ka pa handang sumalo (assuming na may intensyon kang sumalo).
Pangalawa, kung wala ka palang intensyon, tantanan mo siya. Mahabag ka.
Pangatlo, kung last minute kang nagdesisyon na sumalo, mag-sorry ka. Chances are na-realize na niyang mali ang bagsak niya.
Pang-apat, hindi ito basketball, hindi naga-apply ang fakes. Hindi pwedeng ipapahiwatig mo na magd-drive ka, magkasabay kayong aariba tapos biglang aatras ka pala habang siya lumundag na.
4. Ikaw na pa-fall, kung na-misinterpret ka (or so you claim) huwag mong sasabihin na hindi mo sinadya. Ok, baka hindi mo talaga sinadya. Huwag mo nang i-attempt na maintindihan niya. Nahulog na nga yung tao ipagduduldulan mo pa. Sige na. Friendly ka na. Good job. Wooohoo. Hangout hangout. Yes. PBB Teens.
5. Ikaw namang pala-fall, matuto kang mag-fall with caution. Minsan, akala mo may sasalo sa baba kaya mega lundag ka. Eh wala. All systems go ka nga pero radio silence naman siya. Matutong alamin ang terrain, maglagay ng safety net kung posible o kaya ay magsuot ng parachute para matanggap ang truth.
6. At pinakaimportante, tanggapin ang resulta. Dalawa lang yan, sinalo ka ba o hindi? Kung sinalo ka, tuloy ang storya.
Kung pinabayaan kang mahulog mag-isa, tumayo ka nang mag-isa.
